Lamina 03 · Enkarguak eta argazki-serieak
Argazkilaritza
Enkarguak eta lan pertsonalak: kirola, musika-taldeak, arkitektura eta paisaia.
Bi modutara lantzen dut argazkilaritza. Enkarguz, kirol-elkarteek, musika-taldeek, arkitektura-estudioek eta eskolek beren ekitaldiak, kideak, obrak edo ingurua jasotzeko eskatzen didate, eta argazki nahiz bideo laburrak ematen dizkiet. Neure kabuz, berriz, inork eskatu gabe erretratatzen ditut ondarea, bidaiak, paisaia eta herriko jaiak. Arkitekturak irakatsi dit begiratzen, eta begirada bera darabilt bietan.
- @kuntzaz
Bezeroentzako lanak7 enkargu
Enkarguak
Norbaitek eskatu, eta nik kontatu.
Kirol-elkarte batek, gaztetxe batek, herri bateko olinpiaden antolatzaileek, musika-talde batek, arkitektura-estudio batek eta lanbide-heziketako eskola batek jo dute niregana orain arte. Askotariko lanak izan dira: lasterketa bat hasieratik amaierara jarraitzea, gaztetxeko ekitaldi bat jasotzea, herri-jokoen azken proba erretratatzea, musika-talde bat dokumentatzea, obra baten bilakaera jarraitzea edota eskola bat goitik erakustea. Lan bakoitzean ageri da nork egin zuen enkargua, zer behar zuen eta zer dagoen ikusgai: argazkiak eta, behar denean, sare sozialetarako bideoak.
01Dron planoak
Fraisoro Eskola
- Bezeroa
- Fraisoro Eskola
- Eskaera
- Eskolaren dron planoak, sare sozialetan erabiltzeko.
- Lekua
- Zizurkil
- Data
- 2026ko azaroa
02Mendi-lasterketa
Argitxo Trail
- Bezeroa
- Kontrakantxa gaztetxea
- Eskaera
- Lasterketaren argazkiak, irteeratik helmugara, eta laburpen-bideoa.
- Lekua
- Santa Barbara, Hernani
- Data
- 2026ko urriaren 24a
Bideoa 1:18Ikusi lana →
03Herri-lasterketa
Azeri Bila
- Bezeroa
- C.D. Hernani
- Eskaera
- Lasterketa osoaren argazki-erreportajea, lurretik eta airetik, eta laburpen-bideoa.
- Lekua
- Hernani
- Data
- 2026ko ekainaren 20a
Bideoa 1:26Ikusi lana →
04Azken proba
Urnietako Olinpiadak
- Bezeroa
- Olinpiaden antolatzaileak
- Eskaera
- Azken probaren argazkiak, lurretik eta airetik.
- Lekua
- Urnieta
- Data
- 2026ko maiatzaren 29a
05Musika-taldearen argazkiak
Red Flag
- Bezeroa
- Red Flag (musika-taldea)
- Eskaera
- Taldearen erretratuak, promoziorako.
- Data
- 2026ko maiatzaren 1a
06Negutegi-pabiloiaren muntaia
Arkitetak
- Bezeroa
- Arkitetak taldea
- Eskaera
- Pabiloiaren muntaiaren erreportajea, lurretik eta airetik, eta bideo bat.
- Lekua
- Donostia
- Data
- 2025eko urria
Bideoa 1:53Ikusi lana →
07Mendi lasterketa herrikoaLaster
Poxta Trail
- Bezeroa
- Poxta Zahar
- Eskaera
- Lasterketaren argazkiak, irteeratik helmugara.
- Lekua
- Urnieta
- Data
- 2027ko martxoaren 20a
Neure kabuz5 serie
Lan pertsonalak
Inork eskatu gabe.
Enkarguen artean, neure gaiak lantzen jarraitzen dut: ondarea eta bidaiak, paisaia eta herriko jokoak. Hemen probatzen dut, hemen ikasten dut, eta hemendik dator enkarguetan erabiltzen dudan begirada.
01 / 04Serie bat
Kirolak
Errepikatzen ez den unea.
Eraikina geldirik dago, eta itxaron egiten dizu; korrikalariak ez. Kirolean segundo bakarra dago argazkia ateratzeko, eta horixe da gustatzen zaidana: aurreikusi, kokatu eta asmatu. Lasterketak enkarguz ere egiten ditut (ikus goian); neure kabuz, Hernaniko Gazte Olinpiadak jarraitu ditut, probaz proba, argazkiekin eta bideoekin.
02 / 042 serie
Arkitektura
Harria, argia eta denbora.
Eraikinei ateratzen dizkiet argazki gehien, eta haien artean ondareari: elizak, jauregiak, baserriak, kale zaharretako fatxadak. Askotan eskaneatzen ditudan eraikin berak dira; kamerarekin, ordea, ez dut neurtzen, begiratu egiten dut: nola erortzen den argia harriaren gainean, zer dagoen oraindik zutik eta zer ari den desagertzen. Bidaietan gauza bera egiten dut beste herrialde batzuetako arkitekturarekin.
03 / 04Serie bat
Paisaia
Lurraldea, urrutitik eta gertutik.
Eraikinen inguruan dagoenari ere begiratzen diot: basoak, mendi-bideak, ibaiak. Batzuetan oinez, kamera eskuan; besteetan dronearekin, goitik, lurraldearen marrazkia ikusteko. Paisaia ez da atzealde hutsa: hura ere norbaitek egina da, belaunaldiz belaunaldi.
04 / 04Serie bat
Dokumentala
Laister.
Laister.
Nola begiratzen dudan
Lau ohitura, gaia edozein dela ere.
- 01
Geometria lehenik
Enkoadraketa plano bat bezala antolatzen dut: ardatzak, simetriak, erritmoak. Arkitekturatik datorkit, eta kirolean ere bilatzen dut.
- 02
Lurretik eta airetik
Kamera eskuan eta dronea airean. Ikuspuntua aldatzeak gauza bera beste modu batera ulertzen laguntzen du.
- 03
Kolorea, behar denean
Formak agintzen duenean, zuri-beltza; argiak edo giroak agintzen duenean, kolorea. Argazki bakoitzak eskatzen du berea.
- 04
Itxaron eta asmatu
Eraikinean argiari itxaroten zaio; lasterketan, uneari. Bietan, garaiz iritsi eta lekua aukeratzea da lanaren erdia.
Zerbitzuak
Zer egin dezakedan zuretzat.
01
Kirol-ekitaldiak
Lasterketak, txapelketak eta herriko probak: irteeratik helmugara, kirolariak eta giroa, eta sare sozialetarako bideo laburra.
Adibideak: Poxta Trail, Argitxo Trail, Azeri Bila, Urnietako Olinpiadak, Gazte Olinpiadak
02
Taldeak eta erretratuak
Musika-taldeak, elkarteak eta lantaldeak: promoziorako erretratuak, taldearen izaerarekin bat datozen lekuetan.
Adibideak: Red Flag
03
Arkitektura eta obrak
Eraikinak, ondarea eta muntaiak: obraren prozesua hasieratik amaierara, eta emaitza argi onenean.
04
Airetiko irudiak
Dronearekin, goitik: ibilbide baten, eraikin baten edo ekitaldi baten marrazkia, lurretik ikusten ez dena.
Adibideak: Fraisoro Eskola, Azeri Bila, Arkitetak, Paisaia
05
Bideo laburrak
Ekitaldiaren laburpena formatu bertikalean (9:16), Instagramen eta beste sareetan argitaratzeko prest.
Adibideak: Azeri Bila, Argitxo Trail, Arkitetak
Beste zerbait buruan?
Kontatu zer behar duzun, eta elkarrekin pentsatuko dugu nola egin.
Nola egiten dugu
- 01
Idatzi zer behar duzun: zer, non eta noiz.
- 02
Proposamen bat eta aurrekontua bidaltzen dizkizut.
- 03
Argazkiak atera, editatu eta adostutako epean ematen ditut.
Argazki gehiago Instagramen
@kuntzaz ↗«Infernuraino, euskal kulturaz hitz egitera joango banintz.»gartzeazaldua@gmail.com